Konsulent/e për ngritjen e bizneseve te vogla

Pozicioni: Konsulent/e për ngritjen e bizneseve te vogla
Vendi: Tiranë, Lushnje, Divjakë, Sukth.
Kohëzgjatja: Gusht 2024- Korrik 2025
Lloji kontratës: Kontratë individuale
Data e publikimit: 10 Korrik 2024
Data e pritshme e fillimit: 01 Gusht 2024  
Përmbledhje e projektit
Projektit “Shërbime Sociale të Integruara për një zhvillim të qëndrueshëm social dhe
ekonomik të komuniteteve në nevojë” Faza II zbatohet nga Fondacioni “Ndihmë për
Fëmijët” (NPF) nën menaxhimin dhe mbikëqyrjen e përgjithshme të UNDP-së dhe eshte
pjese e Programit te Përbashkët te Organizatës së Kombeve të Bashkuara (UN) “Askush të
mos mbetet pas” Faza II (2020-2025) që synon (qëllimi zhvillimor) të sjellë ndryshime
sistemike në fushën e mbrojtjes sociale dhe përfshirjes sociale në Shqipëri nëpërmjet ofrimit
të shërbimeve sociale të integruara cilësore (mbrojtje sociale, kujdes social, shëndetësi,
arsim, punësim, formim profesional, dhe strehim), me theks të veçantë në shërbimet sociale
që u ofrohen grupeve në nevojë dhe grupeve vulnerabël, gjë që siguron në mënyrë
progresive realizimin e të drejtave themelore të njeriut, të drejtat ligjore, mirëqenien,
dinjitetin dhe mjetet e jetesës për të gjithë dhe rrjedhimisht përfshirjen sociale. Zbatimi i
programit është përgjegjësi e katër agjencive të OKB-së UNDP, UNICEF, UN Women dhe
UNFPA, dhe financohet nga Zyra e Zhvillimit dhe Bashkëpunimit Zviceran (SDC).
Në secilën prej bashkive, Tiranë, Durrës, Lushnjë dhe Divjakë projekti qe zbatohet nga NPF
do të ndertojë modelin e shërbimeve sociale të integruara të bazuara në familje, i cili synon
fuqizimin e familjeve për të thyer rrethin vicioz të varfërisë. Punonjësit social të bashkisë do
të angazhohen në ofrimin e shërbimeve duke synuar nevojat e familjes në tërësi dhe duke
marrë parasysh dhe adresuar nevojat specifike, komplekse dhe afatgjata të secilit prej
anëtarëve të familjes. Bashkitë do të krijojnë modelin e ri të ofrimit të shërbimeve sociale
të integruara brenda bashkisë dhe do të forcojnë kapacitetet dhe ekspertizën e tyre për të
ofruar, mbështetur dhe zgjeruar këtë model.
NPF kërkon të kontraktojë një profesionist të kualifikuar për të ofruar ekspertizën e tij ne të
gjithë procesin e ngritjes së bizneseve te vogla formale.

2

Objektivat e Konsulencës:
Fondacioni “Ndihmë për Fëmijët” kërkon të kontraktojë një konsulent/e i cili do të
mbështesë përfitues/të rinj dhe të reja të projektit në të gjitha fazat e procesit të ngritjes së
5 bizneseve formale në qytetet Tiranë, Lushnje, Divjak dhe Sukth duke:

• Zhvilluar intervista me përfituesit potencialë të përzgjedhur zgjedhur nga punonjësit
  socialë dhe facilitatorët e projektit në katër rrethet;
• Përzgjedhur/identifikuar përfituesit me ide më të përshtatshme të biznesit;
• Këshilluar dhe përgatitur përfituesit e përzgjedhur në zhvillimin e planeve të biznesit;
• Ofruar seanca këshillimore në grup apo individuale me përfituesit e perzgjedhur me
  qëllim që ata të marrin njohuri dhe shprehi praktike në përgatitjen e planeve të biznesit
  për t’u mbështetur në vijim me mjete financiare nga projekti;
• Mbështetur përfituesit e përzgjedhur për të ngritur një biznes të vogël gjatë procesit të
  implementimit të planeve të biznesit;
• Monitoruar ecurinë e bizneseve;
  Metodologjia
  Konsulenti pritet të ofrojë shërbimet e tij/saj në drejtim të mbështetjes së përfituesve
  potencialë nga Tirana, Lushnja, Divjaka dhe Sukthi për të kaluar me sukses të gjitha fazat e
  procesit të sipërmarrjes që nga momenti i intervistimit deri në momentin e ngritjes së
  bizneseve të vogla prej tyre në bashkëpunim me stafin e projektit. Konsulenti do të
  kontribuojë në cështjet administrative të procesit si dhe në ngritjen e kapaciteteve të
  përfituesve të perzgjedhur për të hartuar planet e tyre të biznesit dhe të sigurojë që
  perfituesit kanë marrë njohuritë e duhura përgjatë këtij procesi.
  Për të arritur objektivin, konsulenti/tja do të kryeje:
• Këshillim i stafit mbështetës për hapat e zhvillimit te biznesit te vogël;
• Paraqitja e ideve të biznesit nga përfituesit potencialë dhe konsultimi mbi idenë
  më të mirë të biznesit;
• Këshillim dhe finalizim i idesë së biznesit;
• Këshillim të vazhdueshem për secilin prej përfituesve që pergatit planin e tij të
  biznesit;
• Këshillim dhe hartimi i planeve finale të biznesit;
• Këshillim/Mbështetje për implementimin e bizneseve;
• Monitorim i ecurise së biznesit.
  Profili i konsulentit/es
  Konsulenti/ja duhet të tregojë njohuri dhe aftësi në fushen e menaxhimit të biznesit dhe
  ne hartimin e planeve te biznesit. Ai/ajo duhet të ketë:
• Arsimin e lartë ne deget menaxhim biznes, Finance ose ne fusha te peraferta;
• Njohuri dhe aftësi në hartimin e planeve te biznesit; eksperience te meparshme;
• Mundesisht te kete eksperience praktike ne menaxhimin e nje biznesi;
• Njohuri ne vlerësimin dhe menaxhimin e riskut te bizneseve;
• Aftësi për ndërtimin e frymës së grupit, punën në grup.
• Aftësi të mira komunikuese dhe ato për zgjidhjen e konflikteve.

3

Produkte të prodhuara dhe Koha
Konsulenti/ja është përgjegjës për prodhimin e raporteve sipas afateve kohore të
përcaktuara në bashkëpunim me menaxherin e projektit.
Mënyra e pagesës:
Pagesat do të kryhet me këste pas dorëzimit të raporteve periodike dhe aprovimit nga
menaxheri i projektit.
Marrëdhëniet e raportimit
Konsulenti/ja është nën supervizim të drejtpërdrejtë të menaxherit te projektit. Ai/ajo
informon periodikisht tek ata rreth ecurise se procesit. Ai/ajo duhet të jetë disponibël për
raportime të ndërmjetshme verbale dhe me shkrim.
Dorëzimi i aplikimit: Aplikantët e interesuar duhet të dërgojnë me e-mail:
 CV të përditësuar te konsulentit;
 Letër interesi;
 Ofertën financiare: me tarifen ditore ne ALL (Lekë) duke perfshire taksat sipas
legjislacionit tatimor në fuqi.
Aplikimet do të pranohen deri më 20 Korrik 2024, në orën 24:00 në adresën e
email: prokurimenpf@gmail.com ose me shërbim postar ne adresën: Bul. Gjergj Fishta,
Kulla 1, Kati 2, Ap. 8, Tirane.
Aplikimet e dorëzuara pas këtij afati nuk do të merren parasysh.